Кіч у мастацкай культуры сучаснай Беларусі

У выданні разглядаецца феномен кічу і яго праявы ў творчасці сучасных беларускіх аўтараў - як самадзейных майстроў, так і вядомых жывапісцаў, скульптараў, графікаў. Робіцца спроба асэнсавання гэтай складанай з’явы, даецца вызначэнне яе асноўных стылёвых рыс і тэма- тычных напрамкаў, а таксама крытэрыяў ідэнтыфікацыі і ацэнкі тво- раў з рысамі кічу. Разлічана на спецыялістаў-мастацтвазнаўцаў і прадстаўнікоў ін- стытуцый, якія маюць дачыненне да фарміравання сучаснай візуаль- най прасторы, а такс...

Рейтинг LiveLib

3,8

3 оценки

5
33%
4
67%
3
0%
2
0%
1
0%

Ваша оценка

Прочитали 4Хотят прочитать 3

Рецензии

mishyna_unuka7 июня 2023 г.
Рэкамендацыя Мікіты Моніча гэтай кнігі некалі трапілася на вочы і, зразумела, я вырашыла яе набыць, бо, па-першае, яе рэкамендавала цікавая і абазнананая ў мастацтве асоба, па-другое, гэта сур’ёзнае акадэмічнае выданне (хоць вокладка зусім не выглядае такой) і, па-трэцяе, тут шмат ілюстрацый.
Зразумела, пасля прачытання кнігі экспертам не станеш (ды я і не прэтэндую), бо межы самога паняцця даволі размытыя і розныя даследчыкі ацэньваюць творы па-рознаму. У гэтым кантэксце аўтарка згадвае, што адзін даследчык да кічу адносіў усе экспанаты Траццякоўскай галерэі і асабліва творчасць Рэпіна. Яна таксама адзначае вялікую папулярнасць творчасці мастакоў-перасоўнікаў сярод спажыўцоў масавай культуры ў другой палове ХХ ст. (гэта шматлікія рэпрадукцыі, аматарскія копіі і варыяцыі вядомых карцін).

Асабіста мне было цікава чытаць пра самадзейны кіч, які часта мае сувязь з фальклорам і інсітным (наіўным) мастацтвам, а таксама пра паракіч - мастацкае пераасэнсаванне і перапрацоўку кічавых форм.

У якасці прыкладаў інсітнай творчасці даследчыца згадвае А.Кіш, І.Супрунчыка, М.Тарасюка, А.Роскача, а таксама А.Ждана і С.Астапенку (скульптуры першага можна пабачыць у двары д.30 па вул. Сядых, а шпакоўні другога - побач з д.133 на праспекце Незалежнасці).
У якасці прыкладаў паракічу Дар’я Бунеева разглядае творчасць М.Напрушкінай, І.Рымашэўскага, Л.Шчамялёва, В.Губарава, Ж.Капуснікавай.
Цікавы факт: скульптурнае афармленне станцый метрапалітэна "Грушаўка" і "Малінаўка" аўтар М.Пятруль прэзентуе як свядомае выкарыстанне стылю кіч (=паракіч), а аўтарка кнігі аргументавана даводзіць, што гэта менавіта звычайны кіч.

Читать далее
3
96

Все рецензии

Цитаты

mishyna_unuka16 мая 2023 г.
Сучасны чалавек усё больш адвыкае ад непасрэднага кантакту з шэдэўрамі сусветнага мастацтва, музыку слухае ў навушніках, а не ў канцэртных залах. Пры гэтым, нягледзячы на значнае развіццё сучаснай тэхнікі, паміж копіяй і арыгіналам заўсёды застаецца вялікая розніца, яна выражаецца ў памеры, матэрыяле, манеры пісьма, колеры, які амаль ніколі не перадаецца пры друку са стопрацэнтнай дакладнасцю. <...>
Канешне, людзі яшчэ ходзяць у музеі і мастацкія галерэі. Больш за тое, на сучасным этапе істотна пашырыліся магчымасці падарожнічаць, і жыхары Беларусі могуць асабіста пазнаёміцца з класікай еўрапейскага мастацтва. Аднак чалавек усё больш страчвае непасрэднасць успрымання мастацтва і нават на арыгіналы глядзіць пераважна праз аб’ектыў фотаапарата. (С. 64)
Читать далее
0
40