Дзяцел і дупло

"Мяне няма", —
прыгадваючы кнігу
філосафа Валянціна Акудовіча,
часта думаю я.
Ды толькі кандуктарка,
якая заходзіць у аўтобус,
шторазу пераконвае мяне
ў адваротным.

— Квіток
альбо жыццё? —
падкрыўшыся ззаду,
спытаў кантралёр.
От, жартаўнік!..
Я таксама адказаў жартам
і аддаў яму
жыццё.

Людзі добрыя, мыйце лушу
пасля ўсякіх іншых людзей!

Хочацца пакаўбасіцца —
толькі была б каўбаса!