Бортнік Ігнат і скарб пушчы

Комікс “Бортнік Ігнат і скарб пушчы” распавядае пра Трэці падзел Рэчы Паспалітай. Разам са знікненнем дзяржавы пад пагрозай аказаліся пушчы, што трапілі пад уладу расейскай імперыі, у тым ліку — Белавежская. Герой комікса, бортнік Ігнат, жыве ў старой частцы пушчы й займаецца дзікімі пчоламі. Даведаўшыся пра планаваную вырубку й знішчэнне пушчы, Ігнат уступае ў змаганне за свой дом. Авантурная фабула комікса спалучае гістарычныя элементы з выдуманымі. Комікс напісаны простай моваю. Насычаны гума...

Рейтинг LiveLib

4,6

11 оценок

5
73%
4
27%
3
0%
2
0%
1
0%

Ваша оценка

Прочитали 13Хотят прочитать 3

Рецензии

xbohx
5 сентября 2018

Пакуль многія дарослыя ўпарта лічаць, што коміксы — бессэнсоўныя кніжкі з карцінкамі, я працягваю сцвярджаць, што далучыць дзяцей да чытання выдатна можна праз іх (праверана вопытам). Асабліва праз такія цудоўныя, як гэты.
Польскі біёлаг Томаш Самойлік, які шмат гадоў працаваў у лясным запаведніку, праз свае коміксы вучыць дзяцей любіць прыроду. Біялагічная спецыяльнасць і талент мастака ў яго асобе выдатна спалучыліся, таму чытаць гэты комікс — адно задавальненне (як і разглядаць). Да таго ж у аўтара цудоўнае пачуццё гумару, і комікс атрымаўся не горшы за серыі Gravity Falls. Далучыце да гэтага гістарычныя факты, на якіх грунтуецца сюжэт, і атрымаецца карысны і развіццёвы твор, здольны ўзбагаціць веды дзетак у галіне навукі.
А гістарычны фон тут такі: трэці падзел Рэчы Паспалітай, у выніку якога можа знікнуць не толькі дзяржава, але і цэлая экалагічная сістэма — Белавежская пушча, якую пачынаюць высякаць паводле загаду Кацярыны ІІ. Ці зможа адзін чалавек, бортнік Ігнат, які вельмі любіць пушчу, супрацьстаяць сістэме? Трошкі кемлівасці і вынаходлівасці — і ўсё магчыма. Гэты твор аднолькава актуальны як для палякаў, так і для беларусаў, бо Белавежская пушча — наша агульнае багацце.
У дадатак у канцы кнігі вас чакаюць заўвагі адносна бортніцкай справы і гістарычнай эпохі. Можна асвяжыць (ці папоўніць) свае веды разам з дзецьмі.

Читать далее
12 понравилось
0
269