Жылі-былі паны Кубліцкі ды Заблоцкі

У казках, якія сюжэтна звязаны паміж сабой, з гумарам расказваецца пра неверагодныя прыгоды паноў Кубліцкага і Заблоцкага. Гратэск, гіпербала, вясёлыя парадоксы, іронія — усё гэта стварае своеасаблівую, трохі алагічную атмасферу казак.

Книга из цикла

Прыгоды паноў Кубліцкага ды Заблоцкага

Пятро Васючэнка

4,6

(19)

Дзівоснае лета паноў Кубліцкага і Заблоцкага

Пятро Васючэнка

4,3

(10)

Рейтинг LiveLib

4,6

19 оценок

5
63%
4
32%
3
5%
2
0%
1
0%

Ваша оценка

Прочитали 20Хотят прочитать 16

Рецензии

Аноним21 сентября 2017 г.
Ніхто не чакаў, што сур'ёзны, з выгляду падобны да сапраўднага прафесара-«букваеда», літартуразнаўца Пятро Васючэнка пачне пісаць казкі і фэнтазі. Праўда, ён і раней пісаў прозу, і нават яшчэ ў 1993 годзе выдаў зборнік апавяданняў «Белы мурашнік», а таксама быў вядомы як аўтар п'есаў для менскага Тэатра юнага гледача. Але гэта было хутчэй хобі вядомага літаратуразнаўца, кандыдата філалягічных навук, а можа ўжо і доктара.
Але пасля выдання кнігі «Жылі-былі паны Кубліцкі ды Заблоцкі...» стала ўжо цяжка вызначыць, што ў Васючэнкі першаснае: літаратуразнаўства ці мастацкая проза.
Кніжка гэтая, трэба адзначыць, выдадзеная выдавецтвам «Мастацкая літаратура» надзвычай дыхтоўна, была ўспрынята чытачамі і крытыкай вельмі цёпла. З'явілася шэраг станоўчых рэцэнзіяў. Была ўганараваная некалькімі прэміямі.
Васючэнка адносна сваёй кнігі неаднойчы казаў, што не бывае дарослых і дзіцячых кніг, бываюць добрыя і кепскі. Таму ён раіў і дарослым чытачам яе не абмінаць.
Поспех «паноў» Васючэнкі палягае ў тым, што пісьменнік здолей стварыць каларытных, забаўных галоўных герояў, якія патрапляюць з-за сваёй шляхецкай пыхы ў розныя дзіўныя прыгоды. То яны сустракаюць Куру Шчабятуру, якую просяць знесці незвычайнае яйка і самі яго выседжваюць, то вырашаюць пасадзіць адмысловы сад, на дрэвах якога вырасталі б кілбасы, хлеб, булкі, цукеркі, віно ды селядцы. Усе гэтыя аванцюры сканчваліся не сказаць каб трагедыйна, Васючэнка як бы шкадуе і нават любіць сваіх пацешных шляхціцаў, але канфузам. І галоўныя героі, пасля чарговай няўдачы, зноў пачыналі выдумляць, што б гэта такое зрабіць, каб смачна есці але не прыкладаць рук да працы.
На поспех кнігі, відавочна, таксама паўплывала вялікая начытанасць Пятра Васючэнкі. Бо ўся кніга прасякнутая рэмінісцэнцыямі і з народных беларускіх казак, і з сусветнай класікі - ад Салтыкова-Шчадрына, да Джоан Роўлінг. І кніга «Жылі-былі паны Кубліцкі ды Заблоцкі» сама робіцца класікай.
Читать далее
12
1K
Аноним27 августа 2025 г.
Гумар з падтэкстам: Васючэнка пра гонар і пустэчу
Кубліцкі і Заблоцкі — не проста персанажы, а алегорыя беларускай ментальнасці, якая балансуе паміж традыцыяй і абсурдам. Яны жывуць у свеце, дзе панства — не сацыяльны статус, а форма мыслення, а іх спрэчкі — люстэрка пустых амбіцый, што не маюць пад сабой глебы.

Гэта не проста казка — гэта сатырычны эпас пра тое, як лёгка страціць сувязь з рэальнасцю, калі гонар пераўзыходзіць розум, а традыцыя становіцца пасткай.

Слухаў на "Кніжным возе" — гэта сапраўдны тэатральны спектакль на слых. Галасы акцёраў надаюць героям жывую індывідуальнасць, а агульная інтанацыя трымае баланс паміж гумарам і філасофскім падтэкстам. Шчыра раю
Читать далее
3
41