Цитаты из книги Зацюканы апостал. П'есы

ДАЧКА. Ну і дурань! Вось скажы мне: «Ты свабодная». I я не ведаю, што рабіць. А так лягчэй. Галоўнае — усё проста. Прыйдзеш у школу — настаўнік кажа: «Чытай гэта». Я і чытаю. Скажа: «Пісаць трэба гэта». Я і пішу. Як на вуліцы паводзіцца — таксама скажуць. А дома — мама. Зварыла крупнік — ем крупнік. Паслала купіць кока–кола — збегала. Класціся ў пасцель — лягла. А свабода — гэта што? Насуперак ці як? Думаць трэба, як над арыфметыкай.

Вучыся, вучыся. Дурням гэта на карысць.

Дзіцячыя перадачы на тое і прыдуманы, каб нас трымаць у няведанні, у цемнаце. Цёмнымі і даверлівымі лягчэй камандаваць.

Грошы — дробязь. Улада даражэй за ўсякія грошы.

К а л і б е р а ў. Табе, Моцкін, падабаецца твая пасада? М о ц к і н. Што вам сказаць? Як уласная жонка. К а л і б е р а ў. Што значыць - як "уласная жонка"? М о ц к і н. Трошкі люблю, трошкі цярплю, трошкі хачу другую.

А што, калі ў нас дарослыя так заблыталіся ў палітыцы, што толькі дзеці і могуць вывесці з тупіка.