Рецензия на книгу

• 

  Osman_Pasha

  10 мая 2018

  Жыццё горада, як і жыццё чалавека, можна ўявіць раманам - з сюжэтам, галоўнымі і другараднымі героямі, з гераічнымі, будзёнымі і трагікамічнамі старонкамі.

  Гэтымі словамі Уладзімір Арлоў добра характарызуе свой твор "Таямніцы полацкай гісторыі". Хаця кніга і мае назву "Таямніцы полацкай гісторыі", у ёй расказваецца не толькі пра гісторыю Полацка, але і пра гісторыю Беларусі - бітва пад Грунвальдам, войны з маскоўскім княствам, падзелы Рэчы Паспалітай, айчынная вайна з французамі.
  Кнігу нельга назваць гістарычнай ці навуковай працай. Разам з пералікам дат і падзей прысутнічаюць мастацкія выдумкі. Аўтар выказвае меркаванні што магло адбывацца на полацкай зямлі ў часы паганства, як полацкі князь Валодша бараніў свае землі ад крыжакаў, пра тое як Францыск Скарына мог трымаць іспыт на званне доктара медыцынскіх навук у Падуі.
  Цікава было б прачытаць падобныя кнігі і пра іншыя гарады Беларусі.

  4 понравилось

  0

  664