Рецензия на книгу

• 

  Irina_Tripuzova

  6 февраля 2017

  Нататкі белагаловай лекаркі

  Я таму карысталася поспехам у людзей, што па-чалавечы абыходзілася з імі, і вельмі імкнулася, каб дасканала сваё рамяство веедаць...

  Сапраўдная шукальніца прыгодаў, зусім не горш за Анжэліку-Марыяну-Катрын, прытым што яны прыдуманыя, а Саламея Русецкая-Пільштынова — рэальная асоба.
  Не ўтрыманка, а наадварот — прафесіянал, захоплены сваёй працай. Зарабляла грошы не толькі на сябе, але і на дзяцей, і на мужоў. Не баялася падарожнічаць па розных гарадах і краінах, ад Стамбула да Пецярбурга. Не баялася эксперыменціраваць у лекарстве: бралася лячыць нават тыя хваробы, аб якіх мала ведала, "спадзеючыся на Пана Бога". Магла дабіцца да любой асобы — ад султана да імператрыцы. І ніколі не пакідала сяброў у бядзе:
  

  
  Я мела натуру ад Бога дадзеную, што за дробязь, калі ад каго слова добрае чула альбо кавалак хлеба ў хаце іх ела, дык ужо да смерці за гэта доўг мела.

  З мужамі ў Саламеі былі своеасаблівыя адносіны. Ва ўсялякім разе, ціхмянай жонкай. якая "за мужам", яе ніяк не назавеш.
  Для свайго першага спадарожніка жыцця лекара Гальпіра Саламея была і вучаніцай, і канкурэнткай, і ўласным доктарам.
  Другі раз выйшла замуж за ваеннапалоннага немца, якога выкупіла ў туркаў. Юзаф Пільштын разважыў, чым шукаць выкуп цяпер ужо для Саламеі, лепей з ёю ажаніцца. А ажаніўшыся, праматаў усе яе грошы, да і ўвогуле не цырымоніўся:
  

  
  Параю табе, мая жонка, як ад усіх бед і нястач пазбавіцца. Купі сабе за тры грошы аршэніку і атруціся...
  

  Трэці шлюб, калі гаварыць па-сучаснаму, быў грамадзянскі, незарэгістраваны. "Амарант" аказаўся альфонсам і прагуляў маёмасць Саламеі. Больш таго, з-за яго адзін з яе сыноў памёр, другі — пасварыўся з маці.
  На рэлігію, гістарычныя падзеі і гістарычных асоб погляд у Саламеі даволі наіўны, але тым ён і цікавы.
  Дарэчы, белагаловая лекарка — яшчэ адзін прыклад таго, што няма прарока ў сваёй Айчыне. Калі ў замежжы яна зарабляла добрыя грошы, то на радзіме яе звычайна падманвалі і абіралі.
  

  14 понравилось

  1

  907