Рецензия на книгу

• 

  Miraydo

  8 июня 2015

  Мой родны кут, як ты мне мілы! Забыць цябе не маю сілы!..

  Ніводны Беларус не можа і не павінен забываць гэтыя радкі. Паэма "Новая зямля" - гэта квінтэссенцыя беларускай традыцыйнай культуры. Чуеш радкі апісання прыроды і пазнаеш беларускія прасторы.
  

  
  Ды я душою ажываю,
  Як вокам мыслі азіраю
  Цябе, мой луг і бераг родны,
  Дзе льецца Нёман срэбраводны,
  Дубы дзе дружнай чарадою
  Стаяць, як вежы, над вадою
  Даўнейшых спраў вартаўнікамі
  І ззяюць грозна жараламі.

  Едучы ў машыне, слухала кнігу, а слёзы наварочваліся ад замілавання. Не важна, што з моманту напісання паэмы прайшло шмат часу, радкі Якуба Коласа будуць зразумелыя кожнаму жыхару Беларусі. Хоць ідзе размова пра часы, калі простыя людзі былі падуладныя панам, праблемы, якія раскрывае пісьменнік, знаёмы і сучанаму чалавеку. Але і не толькі праблемы. Шмат радкоў прысвечана радасным момантам з жыцця герояў: начныя пасядзелкі ля вогнішча, пакатушкі на санках, смачная ежа, святы...
  P.S. Цікава, а які творы лічыцца ілюстрацыйным для іншых народаў?

  11 понравилось

  4

  4,2K