Name: Сучасныя Рамэа і Джульета ў Ірландыі
Item: Аспид
Rating: 3
Author: mari-rudakova

11 июня 2023

Сучасныя Рамэа і Джульета ў Ірландыі

Гэта другое маё знаёмства з творчасцю Крысціны Старк. І зноў аўтара не адпускае Ірландыя. А я зноў адчуваю сваю вузкаадукаванасць, таму што ўсё, што мне вядома пра гэтую краіну, - гэта ірландскі віскі і спуск "Тытаніка" у Белфасце (і так, я ведаю, што гэта Вялікабрытанія). Праўда, цяпер з'явілася жаданне пабываць у Дубліне. Дзякуй, Крысціна Старк!

Прачытаўшы анатацыю да кнігі, я ўзгадала "Рамэа і Джульету" Шэкспіра - два клана, якія пастаянна ваююць паміж сабой. Кроў, месіва, зброя розных відаў - штосьці ў стылі мафіі. А яшчэ - зборышча фанатыкаў, якое прыкрываецца Богам і пры гэтым робіць нешта, што супярэчыць святым запаведзям. Рэлігійным людзям такое чытаць не варта.

Адназначна не магу сказаць, ці спадабалася мне кніга ці не. У ёй занадта многа супярэчлівых момантаў. У стагоддзе, калі папулярызуецца клопат пра псіхічнае здароўе, многія аўтары імкнуцца паказаць у сваіх героях праблемы ментальнага характару. Крысціну Старк гэтая тэма не абыйшла, і яе персанажы сутыкнуліся з падобным. У кожным з іх ёсць нейкія заганы, дэфекты ў галаўным мозгу, якія часам даюць пра сябе ведаць. І калі дзесьці зрухі апраўданы, то ў некаторых эпізодах можна было пазбегнуць атрафаванай мянталкі. Здаецца, што гэта ўставілі толькі дзеля таго, каб дабавіць у гісторыю агеньчыка.

Герояў кнігі мне не атрымалася зразумець да канца. Заблытанасць падзей, думак, слоў пераводзілі іх у разрад ненармальных. Яны, здаецца, прыцягваюць увагу, але ў той жа час становяцца непрыемнымі. З хлопцаў мне найбольш спадабаўся Тайлер. Меркаванне пра яго кардынальна змянілася - у лепшы бок. З жаночых персанажаў найбольш прывабіла... Рэйчэл. За яе знешняй пакорлівасцю і спакоем хаваецца сапраўдны ўраган. Галоўныя героі апынуліся прэснымі і пасрэднымі.

На жаль, хэпі-эндам я аказалася незадаволеная. Сумняваюся, што ў рэальным жыцці ўсё бы адбылося так хутка. Не хапіла дынамікі, сувязі з сапраўднасцю. Кнізе ж гэта дадало зачараванне, а мне - расчараванне.

2 понравилось

523

Отзывы о книге Аспид

Аспид

Сучасныя Рамэа і Джульета ў Ірландыі

Комментарии 0