Рецензия на книгу

• 

  annomik25 апреля 2012 г.

  Цяжка далася мне гэта кніга... Імёны, імены, падзеі... Чытала невялікімі кавалкамі, дэпрэсіўная кніга. На жаль, мала аўтар напісаў пра свае творы, пра гісторыю іх стварэння, больш пра гісторыю выдання кніг. Шмат напісана пра адносіны з другімі пісьменнікамі, з дзяржаўнымі органамі. Неяк не думала, не знала, што Быкаў падвяргаўся такім жорсткім праследаванням са стараны партыйнага апарату, КДБ, такой крытыцы са стараны афіцыйных літаратараў. Гэта вельмі ўразіла! Так непрыемна і балюча, што такі таленавіты пісьменнік, як Васіль Быкаў, творы якога я вывучала ў школе і вельмі люблю, калісьці быў не ў пашане.
  Дарэчы, пра другіх пісьменнікаў. Столькі добрага напісана пра сяброўства з Аляксеем Карпюком, Алесем Адамовічам, Аляксандрам Твардоўскім. Радасна, што былі ў жыцці Васіля Быкава сапраўдныя, надзейныя сябры.
  Цікаўна было пачытаць пра паездку на Кубу, праўдівы аповяд пра жыцце на Кубе 80-х гадоў ХХ стагоддзя, без рэвалюцыйна-сацыялістычнага пафасу. Наогул, на старонках кнігі паказана жыццё ў СССР без прыхарашэння. Верыцца, што так было на самай справе.
  Дзякуй Вам за ПРАЎДУ, Васіль Уладзіміравіч!

  21

  704