Item: Сарматыя
Rating: 4.5
Author: xbohx

31 января 2019

Выхад эпісталярнай паэмы “Сарматыя” чакала з нецярпеннем, бо была заінтрыгаваная тымі ўрыўкамі з кнігі, якія чытала на старонцы Марыі ў фэйсбуку. Мабыць, не трэба доўга тлумачыць, якую вялікую міфалагічную ролю адыгрывае для беларуса паняцце “сарматызм”. ЦІ то праўда, ці то міф, але ж шляхта ВКЛ сапраўды лічыла сябе нашчадкамі сарматаў. І ў кнізе Марыя ўдала абыгрывае гэта паняцце. Яе гераіня, Алаіза, піша 30 вершаваных лістоў, у якіх, не выбіраючы выразаў, апісвае сармацкія звычаі і прызнаецца ў каханні да аднаго сармата. Мне спадабаўся хуліганскі стыль Марыі, дзе яна рыфмуе беларускія і ангельскія словы і ўдала працуе з гукапісам. І нават нецэнзурныя выразы, якія сустракаюцца ў некаторых вершах, гучаць тут абсалютна натуральна, дадаючы вершам жывасць і сапраўднасць.

Нешта там у агні, у дрыгве, нешта ня тое з совамі, армагедон і пох.й — якая розьніца, якімі словамі апісваць канец эпохі?

Ну і як не адзначыць неверагоднае афармленне. Кніга аздобленая ілюстрацыямі Юліі Рудзіцкай, і гэта сапраўды вельмі стылёва. Да таго ж у пачатку і канцы кнігі дададзеныя паштоўкі, якія можна акуратна па перфарацыі адарваць і выкарыстаць па прамым прызначэнні.

10 понравилось

333

Отзывы о книге Сарматыя

Сарматыя

Комментарии 0