Затым старшыня пераводзіць... «На ростанях»
goldfish1914 ноября 2022Затым старшыня пераводзіць вочы на царскія партрэты і на рамы, што сам выбіраў. Ён цешыцца з цароў і асабліва з царыцы. А часамі не ўтрывае і скажа:
— Эй, ядры яго качан. Убрацца б, як цар, ды мець бы сабе такую маладзіцу!
Пасля гэтага старшыня пытае ў пісара, як справы ідуць, што зроблена, што трэба зрабіць, куды паехаць у першую чаргу і да каго заехаць, зрабіўшы справу.
— Ну, дай папяросу,— гаворыць у заключэнне старшыня.
Калі часамі памочнік пісара працягне яму свае папяросы, старшыня зняважліва махае рукою і гаворыць:
— Рунда твае папяросы!
630
