Асноўная мая прэтэнзія да гэтай кнігі - назва, якая шмат чаго цікавага абяцае, а на самой справе не адпавядае зместу. Паўсядзённаму жыццю тут прысвечаны толькі адзін невялікі раздзел. Значна больш - пра прапаганду. Ды пра што заўгодна, але толькі не пра тое, што трэба.
Другая прэтэнзія - гэта спасылкі. Даследчыца вельмі часта спасылаецца на адных аўтараў, а ў спісе падае зусім іншую крыніцу - тую, дзе яна гэтую інфармацыю знайшла. Асабіста мяне выкладчыкі вучылі звяртацца да першакрыніц і спасылацца менавіта на іх. Разумею, што гэта можа быць праблематычна і часам дапушчальна, але ж не ў такой колькасці. Хаця ведаю, што некаторыя даследчыкі могуць спасылацца на крыніцы, якія ў вочы ніколі не бачылі. Таму тут магу адзначыць сумленнасць аўтаркі.
Ну, і мне таксама не хапіла фактычнага матэрыялу (наратываў і эга-дакументаў).
1 понравилось
