Малая падарожная кніжка па Горадзе Сонца

Ці мог Горад Сонца ўвасобіцца ў іншым месцы? Мусіць, не. Ён мог з'явіцца толькі на выпаленай зямлі, у прасторы, вычышчанай ад культуры, і, напэўна, не мог з'явіцца ў хаосе дэмакратыі.

Прастора гэтай Зямлі падобная да нябачнага гатычнага Сабора, дзе вас ўяўнай пустэчы захоўваецца прысутнасць падзей, гарадоў, мільёнаў людзей, якія бачылі да вас гэтае неба, жылі ў ім ды паміралі пад ім.

Горад Сонца не любіў сваіх геніяў. Ён сам быў геніяльны і патрабаваў людзей, якія працавалі б толькі на ягоную геніяльнасць.