Свиньи

Інтэлект начальніка міліцыі базіраваўся на трох прачытаных ім ад коркі да коркі кнігах: «Основы идеологии молодого независимого государства», «Уголовный кодекс» і «Настольная книга охотника и рыболова» — так што ў колах людзей у пагонах ён славіўся як чалавек нечакана адукаваны і начытаны.

— Людзі, астанавіцесь! — раўла яна спужаным вяскоўцам, што беглі ў шыкаўкаву хату. — Прашу вас как маць!
Жана Рыгораўна падняла двух сыноў. Адзін моцна піў, другі рыхтаваўся да гэтага, але сам факт мацярынства жанчына ўсё адно лічыла вызначальным аргументам у любой спрэчцы і выкарыстоўвала яго ўсякі раз, калі чалавек упарціўся і не хацеў пагаджацца.

Без свініны вёска аказалася ў гастранамічным тупіку і пераўтварылася ў вялікі кіпячы кацёл нязгодных з існуючым станам спраў. Нефармальным лідарам гэтага руху стаў дзед Шакалка, які з пацяпленнем выйшаў на любімую лавачку і перыядычна правакаваў на ёй спантанныя мітынгі.

Цяпер галоўны ідэолаг раёна ўпэўнена чакаў моманту, калі прадсядацель Невідзьмо пойдзе на падвышэнне ці ў турму, а сам ён сядзе ў дарагі скураны фатэль кіраваць раёнам.

(з прадмовы перакладчыка)

«Ганарыцца героямі мінулых дзён і дбаць пра герояў дня сённяшняга, ведаючы іх імёны, тэрміны і адрасы калоній і турмаў».