Яблыневы маёнтак

звычайна так і бывае: калі чалавека больш няма, ты пачынаеш цікавіцца ягоным жыцьцём.

я шмат пішу, але ніводнага разу не закрануў вайну між Украінай і Расеяй, і гэта таму, што я баюся даведацца, што на гэты конт думаюць мае сябры й сваякі, бо я ўпэўнены — мне давядзецца рэзаць процьму нітак, якія даўно ўжо нас усіх зьвязалі.

няма нічога больш бессэнсоўнага, чым чалавечае стаўленьне да сэнсу жыцьця і сьмерці, бо жыцьцю нельга надаваць шмат сэнсу, а сьмерць ня трэба ўводзіць у стан сакральнага, паколькі жыцьцё ўжо само па сабе — дзіўны стан існаваньня на мяжы з абсурднаю "барацьбою" між тым, як знайсьці сябе і сваё месца, і новымі батончыкамі "сьнікерс": "забі на голад: еш, глядзі футбол, пі піва".