Логотип LiveLibbetaК основной версии
Обложка
User AvatarВаша оценка
4,3
(4)

На этапах

Максім Танк
"На этапах" — першы зборнік Максіма Танка. Выдадзены ён у 1936 годзе з дапамогай КПЗБ у Вільні выданнем Васіля Труцькі ў друкарні I. Баеўскага. Кнігу "На этапах" склалі лепшыя вершы маладога паэта, а таксама ўрыўкі з ненадрукаванай яшчэ паэмы "Нарач". Амаль увесь тыраж зборніка "На этапах" быў канфіскаваны, засталіся лічаныя экзэмпляры. Гэта факсімільнае выданне дае магчымасць сучаснаму чытачу нібы зноў атрымаць кніжку ў яе першанараджэнні, удыхнуць таго пераднавальнічнага паветра, разам з аўт...

Рейтинг LiveLib

4,3
4 оценки
  • 5
    25%
  • 4
    75%
  • 3
    0%
  • 2
    0%
  • 1
    0%
User AvatarВаша оценка
Прочитали 4Хотят прочитать 6

Рецензии

  • Аватар пользователя
    Аноним24 августа 2020 г.

    Назва і вокладка гэтай кнігі ўводзіць у зман. Ствараецца ўражанне, што гэта цалкам патрыятычная кніга змагання. Але, калі з ёй пазнаёмішся, дык пабачыш, што змагання ў зборніку не вельмі шмат, хаця яно сапраўды ёсць. Але перадусім гэта вершы пра родную Мядзельшчыну, пра жыццё беларускага селяніна, пра прыгажосць Нарачы, а таксама пра горад, які стаў жыцёвым універсітэтам паэта – Вільню.

    Пры ўсёй ваянічасці псеўданіма, Максім Танк, канешне, - гэта пранікнёны лірык. Ужо ў яго першай кнізе гэтая лірыка праявілася напоўніцу. І з першай кнігі Максім Танк пачаў апяваць галоўны дыямент яго малой радзімы – возера Нарач. Гэта заўважыў і аўтар прадмовы да зборніка Р. Баравы, напісаўшы: “Яна (Нарач. - АА) нібы пакрыўдзілася, што так доўга абміналі яе ў беларускай паэзіі, і пакрыўдзіўшыся пасылае туды свайго прадстаўніка – маладога песьняра”.

    Пры ўсіх сваіх сялянскіх каранях, менаваміта Максім Танк стаў адным з пачынальнікаў беларускай урбаністычнай паэзіі. Жывучы ў Вільні ён не мог не пісаць пра гэты цудоўны горад. Ёсць у зборніку верш, які так і называецца “Вільня”.

    Іду, а дрэвы штосць гавораць…
    аблеплен гразьзю, мокрым сьнегам.
    Ну дзе-ж прытуліш мяне, горад,
    мяне прытуліш без начлегу?

    Але ўтрымлівае кніга і вершы змагання. Большасць з іх сабраныя ў раздзел, які так і называецца “На этапах”. У вершы “У маршы” паэт адзначае, што жыць яму выпала ў вялікія дні - на пераломе.

    Жыць нам прышлося вялікімі днямі,
    на пераломе
    жалеза і песьняў, -
    ў новых маланках, ў новым громе
    молатам выкутых песьняў.

    Як адзначаюць літаратуразнаўцы: у ранніх кнігах Максім Танк выступае спеваком барацьбы беларускага народа за нацыянальнае вызваленне, у поспех якой ён зацята верыў.

    I вер, што хопіць сілаў –
    удары грому спынім.
    Ня згінулі дагэтуль –
    ў баю тым-больш ня згінем!

    Читать далее
    8
    782
Все рецензии

Цитаты

  • Аватар пользователя
    Аноним4 сентября 2020 г.

    ***
    Мы не памрэм, хоць шмат магілаў
    На шляху нашым, на барознах.
    Народ ўстае з магутнай сілай
    непераможны,
    горды,
    грозны.

    I там, дзе сёньня напрадвесьні
    Зара калышэцца загарам,
    дзе сяньня звоняць нашы песьні, –
    там ўспыхнуць полымя пажараў.

    Мы не памрэм, а з новай сілай
    ускалыхнём жыцьцём вастрожным.
    Народ устане,
    як уставаў з старых магілаў
    Непераможны,
    горды,
    грозны.

    2
    1,6K
  • Аватар пользователя
    Аноним26 августа 2020 г.

    ***
    Ня плач, яшчэ зарана,
    хоць адступілі ўчора.
    Зацісьні моцна рану.
    Няхай сьмяецца вораг!

    Выходзьце на дарогу,
    ў паход шчыльней радамі!
    Ты ведай, перамога
    ужо не за гарамі.

    Цаніць байцоў умеем:
    народнымі рукамі –
    глядзі – магілы паўшых,
    убраныя вянкамі…

    I вер, што хопіць сілаў --
    удары грому спынім.
    Ня згінулі дагэтуль –
    ў баю тым-больш ня згінем!

    2
    1,2K
Все цитаты

Подборки с этой книгой

Все подборки