Кантынэнтальны сьняданак

Кніга зьмяшчае гісторыі з жыцьця мітычнага гатэлю ў Мінску. Сьвет пакаёвак і парцье, масажыстаў і цырульнікаў, мэнэджэраў і маркетолягаў схаваны за ветлівымі ўсьмешкамі і бязьлікасьцю ўніформы - той, якога ня бачаць пастаяльцы.

Рейтинг LiveLib

3,6

8 оценок

5
25%
4
25%
3
38%
2
13%
1
0%

Ваша оценка

Прочитали 8Хотят прочитать 2

Рецензии

xbohx
9 ноября 2012
"Кантынэнтальны сьняданак" - лёгкая й займальная кніга, якая чытаецца літаральна за гадзіну. Эфект лёгкасьцьі дасягаецца безумоўным майстэрствам аўтара, у якога кожнае слова як пушнінка, плаўна зьвязваецца з наступным. Аднак хочацца адзначыць, што гэтая кніга мне спадабалася трошкі менш за папярэднія. Магчыма, я проста не аматар пахабных гісторый, дзе праз старонку чэлесы й мінеты:)
Увогуле, падобных твораў мала ў сучаснай беларускай літаратуры. Гэта абсалютна новая, яркая й дынамічная літаратура. Арыгінальныя гісторыі, пададзеныя добрай мовай, якую прыемна чытаць
Аўтар валодае безумоўным талентам у апісаньні людзей. Яны атрымліваюцца вельмі яркімі й вобразнымі. Некалькі словаў - і вось перад табой ужо стаіць жывы чалавек, жанчына "падобная на доўгую рыбу зь вялікім мясістым носам, які нагадвае авакада, й маленькімі чорнымі вочкамі-апалонікамі, што кружляюць у вачніцах хутка й амаль без гарманічнага ўнісону".
Асабліва трэба адзначыць вокладку кнігі, зробленую Васілісай Палянінай-Календай, жонкай аўтара. Багацьце фарбаў прываблівае ўвагу да кнігі. Хочацца ўважліва разглядаць кожную дэталь малюнка.
Немагчыма пастаянна чытаць адну толькі клясыку. Літаратура йдзе наперад, разьвіваецца, і таму мы мусім чытаць ня толькі творы "пра цяжкі лёс беларускага народа", "пра мужнасьць беларускага народа ў час вайны", "пра веліч і хараство беларускай прыроды". Сьвет зьмяняецца, мы зьмяняемся разам зь ім, а таксама зьмяняюцца нашы інтарэсы, таму абсалютна слушна, што новая літаратура ўзьнікае згодна з нашымі культурнымі патрабаваньнямі.
Варта чытаць гэтую кнігу, бо яна блізкая да нашага жыцьця, мадэрновая й актуальная.
Аўтар шчыра вітае нас у мітычным гатэлі, сьвеце пакаёвак, цырульнікаў і мэнэджэраў.
P. S. Аднак, на жаль, гэтая кніга не зачапіла мяне так, як папярэднія кнігі Сяргея Календы.
Читать далее
12 понравилось
0
178