Мужчына сталага ўзросту, Даніэль Кеплер, разам са сваёй вялікай сям'ёй прыязджае ў адпачынак у горы Каларада. Ён спакойны і разважлівы мужчына, не вялікі аматар актыўнага адпачынку. Таму калі ўся сям'я бавіць час на схілах гор, ён застаецца ў знятых пакоях. У доме ён выпадкова сустракае старую Эн, з якой завязваецца размова. Высвятляецца, што гэтая жанчына разам з маці Даніэля знаходзілася ў Асвенціме ў часу Другой Сусветнай вайны. Кніга складаецца з успамінаў Даніэля і Эн. І наколькі розныя гэтыя ўспаміны! Ён згадвае час бесклапотнага дзяцінства, калі з бацькамі жыў у загадкавай, цёплай і поўнай экзатычных пахаў Індыі. Яна згадвае перыяд знаходжання ў канцэнтрацыйным лагеры, знаёмства з маці Даніэля. Успаміны часта перамяжоўваюцца, героі-апавядальнікі змяняецца, што часам нават складана зразумець адразу, ад чыйго імя вядзецца гаворка. Аднак да такой манеры пісьма аўтара вельмі хутка прывыкаеш. Кніга поўная ярка прамаляваных натуралістычных сцэн, напрыклад апісанне блізасці паміж мужчынам і жанчынай. Выдатны дэбют чэшскай пісьменніцы Ганы Андранікавай.
7 понравилось
