Сто лі100ў на tut.by

бясплатныя сэрцы бываюць у мышалоўцы

шукае цыцкі дзіцё
змагаецца барацьбіт
віруе быццам быцьцё
пасьля нібыта нябыт

Восень казыча твае запясьці
скразьнякамі пад скурай.
У лістападзе няма чаму ўпасці,
па-за тэмпэратурай.

калі хутка дыхаеш
неба ў горла не трапляе

Складаю хайку —
не хапае словаў,
пішу паэму —
пераймае дых.
Паэтам
невылечна мёртвых моваў
да сьмерці
прахадзіць у маладых.

Адскрабеш пін-код на купленай карце,
назавеш пароль электроннай варце,
далучаючы да сусьветнага сьмецьця
лішні доказ свайго існаваньня ў сьвеце.