Ордэн Белай Мышы

— У адных людзях жыве Бог, у другіх — д'ябал, а ў некаторых — адно глісты і мікробы.

Міліцыянт пытаецца ў хлопчыка, што ён лепіць. «Дзядзю міліцыянера», – адказвае з пясочніцы юны скульптар. «А з чаго?» – «З пясочку, з вадзічкі і з гаўняшкі». Дзядзька ў форме, натуральна, дзярэ малому вушы, але назаўтра зноў заспявае таго ў пясочніцы. На пагрозлівае пытанне хлопчык адказвае, што лепіць дзядзю пажарніка. Палагаднелы міліцыянт удакладняе – з чаго? «З вадзічкі і з пясочку». – «А гаўняшка?» Тут юны скульптар хітравата прымружвае вочы: «Э не, тады дзядзя міліцыянер атрымаецца».

грахі — гэта ўчынкі, якія прыемна ўспамінаць.

Дрэнная жонка — не прычына філасофіі. Дрэнная жонка — яе вынік.

кнігі, як і дзеці, нараджаюцца ў пісьменнікаў ад жанчын.

«Старший сын Адама и Евы, убивший своего брата, четыре буквы». На колькі хвіляў западае маўчанне, потым Зіна няўпэўнена гаворыць: «Кажется, Кай…» – «Дура, а буквы кто считать будет». – «Спокойно, – уключаюцца вусікі. – Я знаю. Авин! Точно! Авин убил Кавеля!»

— А што, калі Вечнасць — не бясконцасць часу, а ягоная адсутнасць?