Рецензия на книгу

• 

  Miraydo9 января 2015 г.

  Камейша для мяне стаў тым чалавека, які здейсніў на свой лад маю літаратурную мару. Даўненька мне хацелася, каб паэзія выдавалася тэматычна і з каментарыямі. Зборнік "Беларуская эпіграма" поўнасцю адпавядае майму трошкі эгаістычнаму літаратнаму густу. Каментарыі ад складальніка спрытна робяць эпіграмы яшчэ і зразумелымі для шырокага кола чытачоў, што робіць іх яшчэ больш пацешнымі. Ды яшчэ і сваю справу робяць самі эпіграмы ад знакамітых беларускіх паэтаў - гумарыстычныя, сатырычныя, вострыя. Я з вялікім задавальненнем пад каву зачытвала вясёлыя радкі сваім дамашнім. Для добрай кнігі, якая стварае добры настрой як сам-насам, так і ў кампаніі, не шкада месца ні ў кішэні (памер дазваляе) ні на палічцы.
  P.S. Са мной многія могуць паспрачацца, але я вельмі дужа хачу, каб зубадрабільная паэзія выдавалася з падобнымі каментарыямі. Ды і тэматычныя выданні могуць стаць вельмі спадручнымі, калі трэба стварыць адпаведную атммасферу ў мазгах.

  4

  634