Рецензия на книгу
Багун
Вінцэсь Мудроў
DaryaPalynskaya1 марта 2019 г.Рэчаіснасць, якая яна ёсць
Не люблю малыя формы. Яны не даюць часу раскачацца і падрыхтавацца, яны з першых радкоў рэзкія і адразу моцныя. Так і тут. Вялікія і малыя апавяданні пра рэчаіснасць, якая яна ёсць ў памяці аўтара і была ўсяго з некалькі дзясяткаў год таму. Савецкая рэчаіснасць, пра якую піша аўтар, і не можа быць іншай - тужлівая, самотная, п'яная, бедная, незразуметая - то бок, сапраўдная.
Чытаць было асабліва цікава з-за асабістага ведання асобы аўтара. Прэзентацыя гэтай кнігі ў Мінску запомнілася тым, што сам аўтар на яе не прыехаў. Гэта моцна заінтрыгавала.
Кніга моцная. Кніга самотная. Апавяданні перажываеш, і з галавы наўпрост не выкінеш. Шмат цікавых - як для прадстаўніка іншага пакалення - акалічнасцяў і дробяззяў. Шыкоўная мова, з асаблівасцямі падзвінскай гаворкі.
5152