Канец і пачатак

Дваццаць сем костак,
трыццаць пяць цягліц,
каля дзвюх тысяч нервовых клетак
у кончыку кожнага з пяці нашых пальцаў.
Гэтага цалкам дастаткова,
каб напісаць “Майн Кампф"
або “Віні-Пуха”.

Жыццё, якім бы доўгім яно ні было,
заўсёды будзе кароткім. Занадта кароткім,
каб штось тут яшчэ дадаць.

У аэрапорце

Бягуць адно да аднаго з распасцёртымі абдымкамі,
крычаць радасна: Нарэшце! Нарэшце!
Абое ў цяжкай зімовай вопратцы,
ў тоўстых шапках,
шаліках,
пальчатках,
абутку,
але ўжо толькі для нас.
Бо адно для аднаго - голыя.